ပြန်ပြည့်မြဲ စွမ်းအင်ဆိုင်ရာ မျှော်မှန်းချက် | WWF

What would you like to search for?

ပြန်ပြည့်မြဲစွမ်းအင် အသုံးပြုမှု ၁၀၀% ဖြစ်ဖို့ ၁၀၀% သေချာပါတယ်။

ပြန်ပြည့်မြဲ စွမ်းအင်ဆိုင်ရာ မျှော်မှန်းချက်

ပြန်ပြည့်မြဲ စွမ်းအင်ဆိုင်ရာ မျှော်မှန်းချက်

မြန်မာ့စွမ်းအင်သုံးစွဲမှု နေ၊လေ၊ ရေ၊ ဘူမိအပူ၊ ဇီဝလောင်စာ နှင့် သမုဒ္ဒရာ စွမ်းအင် ကဲ့သို့သော ပြန်လည်ပြည့်ဖြိုးမြဲ စွမ်းအင်များကို ၂၀၅၀ ခုနှစ်တွင် နောက်ဆုံးထားပြီး သုံးစွဲနိုင်ရန်မျှော်လင့်ထားပါတယ်။

စီမံကိန်းအကြောင်း

ကျွန်တော်တို့ရဲ့ ရာသီဥတုနှင့် စွမ်းအင်အစီအစဉ် အဖွဲ့က ဦးဆောင်တဲ့ ပြန်လည်ပြည့်ဖြိုးမြဲစွမ်းအင် မျှော်မှန်းချက်က ဒီဒေသကြီးတွင်းမှာ ရည်မှန်းချက် အကြီးဆုံးနှင့် အသေးစိတ်အကျဆုံး ဆန်းစစ်လေ့လာမှု တစ်ခုပဲ ဖြစ်ပါတယ်။ ပြန်လည်ပြည့်ဖြိုးမြဲစွမ်းအင် မျှော်မှန်းချက်က မြန်မာနိုင်ငံဟာ ရှိနေတဲ့ နည်းပညာတွေထဲက အကောင်းဆုံးကို အသုံးပြုပြီး အားလုံးအတွက် ကောာင်းမွန်တဲ့ ရေရှည်ဖွံ့ဖြိုးတိုးတက်တဲ့ အနာဂတ်ကို ခုန်ကူး အရောက်လှမ်းနိုင်တယ်ဆိုတာကို လက်တွေ့ ပြသလိုက်ပါတယ်။ နိုင်ငံရဲ့ ၇၀ ရာခိုင်နှုန်းလောက်က အားထားနိုင်ပြီး လက်လှမ်းမီနိုင်တဲ့ လျှပ်စစ်ဓာတ်အားကို မရရှိဘဲ နေထိုင်နေကြရချိန်မှာ မြန်မာနိုင်ငံရဲ့ ဖွံဖြိုးတိုးတက်ရေး အစီအစဉ်မှာ လျှပ်စစ်ဓာတ်အား ရရှိရေးက အရေးအကြီးဆုံး ဖြစ်နေပါတယ်။ ဒါပေမဲ့လည်း ကျွန်တော်တို့တွေ ပတ်ဝန်းကျင်ကို ညစ်ညမ်းစေတဲ့ ကျောက်ဖြစ်ရုပ်ကြွင်းလောင်စာတွေနဲ့ အကြီးစား ရေအားလျှပ်စစ်တွေကို မရှောင်လွှဲနိုင်ခဲ့ရင်တော့ မြန်မာနိုင်ငံရဲ့ တိုးပွားလာတဲ့ လူဦးရေကို လျှပ်စစ်ဓာတ်အား ပေးနိုင်အောင် ကြိုးပမ်းမှုက ဆိုးရွားတဲ့ အကျိုးရလဒ်တွေ ဖြစ်ပေါ်လာစေမှာပါ။

ပြန်လည်ပြည့်ဖြိုးမြဲစွမ်းအင် မျှော်မှန်းချက်က နေ၊ လေ၊ ရေ၊ ဘူမိအပူ၊ ဇီဝလောင်စာနဲ့ သမုဒ္ဒရာ စွမ်းအင် စတဲ့ ပြန်လည်ပြည့်ဖြိုးမြဲစွမ်းအင် အမျိုးမျိုးကို ရောနှောအသုံးပြုပြီး မြန်မာနိုင်ငံရဲ့ စွမ်းအင် လိုအပ်ချက်ကို ၂၀၅၀ မှာ ဖြည့်ဆည်းနိုင်အောင် လုပ်ဆောင်နိုင်ပါတယ်။ ဒီနည်းနဲ့ နိုင်ငံက ရုပ်ကြွင်းလောင်စာကို အမှီပြုနေရတာကို သိသိသာသာ လျှော့ချလာနိုင်မှာ ဖြစ်သလို လျှပ်စစ်ကို ပြည်သူတို့ ရရှိအသုံးပြုနိုင်ရေးကိုလည်း အရှိန်မြှင့်တင်လာနိုင်ကာ ဆယ်စုနှစ်နှင့်ချီ၍ လျှပ်စစ်ဓာတ်အားခ နှုန်းထား တည်ငြိမ်နေစေမှာ ဖြစ်ပြီး အလုပ်အကိုင်အခွင့်အလမ်းလည်း တိုးပွားလာသလို လျှပ်စစ်သုံးစွဲမှုနဲ့ ထုတ်လုပ်မှုတွေကို အကောင်းဆုံးဖြစ်အောင် အိမ်နီးချင်းနိုင်ငံတွေနဲ့ ပူးပေါင်းလုပ်ဆောင်တာတွေကို အားကောင်းလာစေတဲ့အပြင် သဘာပတ်ဝန်းကျင်နဲ့ လူအဖွဲ့အစည်းအပေါ် ထိခိုက်စေမှုကိုလည်း လျှော့ချပေးပါတယ်။

ဒီလို ရေရှည်အကျိုးရှိတဲ့ လမ်းကြောင်းကို ရွေးချယ်လိုက်ရင် ရုပ်ကြွင်းလောင်စာနဲ့ အကြီးစား ရေအားလျှပ်စစ်ဆည်တွေကြောင့် ဖြစ်ပေါ်လာမယ့် ဆိုးဝါးတဲ့ ရေရှည် အကျိုးသက်ရောက်မှုတွေကို လျှော့ချနိုင်မှာဖြစ်ပြီး နိုင်ငံရဲ့ ကာဗွန်ထုတ်လုပ်မှု အဆမတန် မြင့်တက်လာနိုင်ချေကိုပါ လျှော့ချနိုင်မှာ ဖြစ်ပါတယ်။

ရည်မှန်းချက်များ

၂၀၅၀ မှာ ပြည်သူအားလုံး လိုအပ်တဲ့ လျှပ်စစ်ဓာတ်အား ထောက်ပံ့ပေးနိုင်ဖို့အတွက် ပြန်ပြည့်မြဲ စွမ်းအင်ရင်အမြစ်တွေကနေ ၁၀၀% ထုတ်လုပ်ရရှိဖို့ နည်းပညာအရ ဖြစ်နိုင်တယ်လို့ WWF ရဲ့ သုတေသန ရလဒ်တွေက သက်သေပြထားပါတယ်။
ရေအားလျှပ်စစ် ဆည်တွေကနေ ၁၄ ရာခိုင်နှုန်းထက် ပိုပြီး လျှပ်စစ်ထုတ်ယူတော့မှာ မဟုတ်ဘဲ ရေအားလျှပ်စစ် ဆည်တွေရဲ့ အကျိုးသက်ရောက်မှုတွေကို ထိန်းထားမှာ ဖြစ်ပါတယ်။
၂၀၁၅ မှာ ပြန်ပြည့်မြဲ စွမ်းအင်တွေကြောင့် အလုပ်အကိုင် အခွင့်အလမ်း ၇.၇ သန်း ကမ္ဘာအဝှမ်းမှာ ပေါ်ပေါက်ခဲ့ပါတယ်။
ထုတ်လုပ်မှု၊ တည်ဆောက်မှု၊ လုပ်ငန်းလည်ပတ်မှုတွေနဲ့ ပြုပြင်ထိန်းသိမ်းမှု စတဲ့နေရာတွေမှာ ရုပ်ကြွင်းလောင်စာရဲ့ နည်းပညာနဲ့ယှဉ်ရင် သူတို့တွေက အလုပ်အကိုင် အခွင့်အလမ်း ၃-၄ ဆလောက် ပိုပြီးတော့ ဖန်တီးပေးနိုင်တယ်။ ဒါကလည်း မြန်မာနိုင်ငံရဲ့ တိုးတက်မှုကို အထောက်အပံ့ ဖြစ်စေနိုင်ပြီး နိုင်ငံရဲ့ စီးပွားရေးတိုးတက်မှုအတွက်လည်း အားတစ်ရပ် ဖြစ်စေပါတယ်။
ရာသီဥတုပြောင်းလဲမှုက ဖြစ်နေခဲ့တာ ကြာပါပြီ။
မဲခေါင်မြစ်ဝှမ်းဒေသ တစ်လျှောက်မှာ အပူချိန်တွေ မြင့်တက်လာတာဟာ လွန်ခဲ့တဲ့နှစ် ၅၀ ကတည်းက ၀.၅ ကနေ ၁.၅ ºC အထိ မြင့်တက်နေခဲ့တာပါ။ မိုးတွင်းတွေဆိုရင် အဲဒီဒေသတစ်ချို့မှာ အပူချိန်လျော့ကျပေမဲ့ စုစုပေါင်း မိုးရေချိန်ကတော့ မြင့်တက်နိုင်တယ်လို့ ခန့်မှန်းထားပါတယ်။ ဒါဟာ ပိုပြီးတော့ မိုးသည်းထန်စွာ ရွာသွန်းမှုတွေ ဖြစ်လာမယ်လို့ ဆိုလိုတာပါ။ ပိုဆိုးလာမယ့် အကျိုးရလဒ်တွေကို ရှောင်ရှားဖို့ သိပ္ပံပညာရှင်တွေနဲ့ နိုင်ငံပေါင်း ၁၀၀ ကျော်က ကမ္ဘာကြီး ပူနွေးလာမှုကို ၁.၅ ºC အောက်မှာ ထိန်းထားနိုင်အောင် ကြိုးပမ်းဖို့ သဘောတူထားပါတယ်။ ဒီလိုဆောင်ရွက်ဖို့ ၂၀၅၀ မှာ ကမ္ဘာတစ်ဝှမ်းက ဖန်လုံအိမ် ဓာတ်ငွေ့ ထုတ်လွှတ်မှုတွေကို အနည်းဆုံး ၈၀ ရာခိုင်နှုန်းအထိ လျော့ကျအောင် တစ်ကမ္ဘာလုံး ဝိုင်းဝန်းလုပ်ဆောင်ကြဖို့ လိုအပ်ပါတယ်။ ဒါ့ထက် ပိုပြီးတော့တောင် ဆောင်ရွက်ဖို့ လိုကောင်း လိုပါလိမ့်မယ်။ ကျောက်မီးသွေးနဲ့ ရေအားလျှပ်စစ်ကိုပဲ အဓိကထား သုံးစွဲတဲ့ သမားရိုးကျ လမ်းစဉ်နဲ့ ယှဉ်ရင်တော့ ပြန်လည်ပြည့်ဖြိုးမြဲစွမ်းအင် မျှော်မှန်းချက်က ဖန်လုံအိမ်ဓာတ်ငွေ့ ထုတ်လွှတ်မှု တန်ချိန် ၇၅ သန်းလောက် နှစ်စဉ် ရှောင်ရှားသွားနိုင်မှာပါ။

မှတ်တိုင်များ

၂၀၁၆ ခုနှစ်
ဒီဇင်ဘာတွင် ၀န်ကြီးဌာန ၁၀ ခုကျော်၊ လူထုအခြေပြုအဖွဲ့အစည်း ၂၀ ကျော်၊ ပါလီမန်ကော်မတီ ၂ ခုနှင့် ပရိသတ် ၁၀၀၀ ကျော်ကို ဆွေးနွေးတင်ပြတိုင်ပင်နိုင်ခဲ့သည်။
၂၀၁၇ ခုနှစ်
ဖေဖော်ဝါရီလတွင် နိုင်ငံတော်အတိုင်ပင်ခံပုဂ္ဂိုလ်ကို တင်ပြနိုင်ခဲ့သည်။
၂၀၁၇ ခုနှစ်
Earth Hour တွင် ဤမျှော်မှန်းချက်ကို တရားဝင် ထုတ်ပြန်နိုင်ခဲ့သည်။
၂၀၁၈
နိုင်ငံတော်အတိုင်ပင်ခံပုဂ္ဂိုလ်ကို ဖေဖော်ဝါရီလ ၂၀၁၈ မှာ နောက်ဆက်တွဲအစီရင်ခံစာ တင်သွင်းခဲ့သည်။

အရင်းအမြစ်များ

ဂေဟရုပ်စုံ