၂၀၂၀ နှစ်ပတ်လည် အစီရင်ခံစာ

ဗိုင်းရပ်စ်ပိုးက ကမ္ဘာကြီးကို ပြောင်းလဲခဲ့စေတာနဲ့အတူ ဒီလို အဖြစ်မျိုး ထပ်မဖြစ်ဖို့၊ ပိုအားကောင်းပြီး ကြံ့ကြံ့ခံနိုင်တဲ့ မြန်မာနိုင်ငံကို တည်ဆောက်ဖို့နဲ့ တိုင်းပြည်အနေနဲ့ ရင်ဆိုင်နေရတဲ့ ငြိမ်းချမ်းရေး၊ သာတူညီမျှရေး၊ ဖွံ့ဖြိုးတိုးတက်ရေးနဲ့ ကြွယ်ဝချမ်းသာရေး ဆိုင်ရာ စိန်ခေါ်မှုတွေကို သဘာဝအခြေပြု ဖြေရှင်းမှုနည်းလမ်းတွေနဲ့ ကျော်လွှားဖို့အတွက် ဒီအခွင့်အရေးကို အသုံးချကြရပါမယ်။

ကျွန်တော်တို့ရဲ့ မျှော်မှန်းချက်က ရှင်းလင်းပေမယ့် မြန်မာ့ အနာဂတ်ကတော့ မရေရာသေးပါဘူး။ ကျွန်တော်တို့အနေနဲ့ လေးနက်ပြီး မဆုတ်မနစ် ကြိုးစားကြရပါမယ်။ မိတ်ဖက်ဖွဲ့မှုနဲ့ မဟာမိတ် အသစ်တွေ ရှာကြရပါမယ်။ မြန်မာ့ သဘာဝ ပတ်ဝန်းကျင်နဲ့ တောရိုင်းတိရစ္ဆာန် မျိုးစိတ်တွေကို ကျွန်တော်တို့ အားလုံး အကျိုးအတွက် ထိန်းသိမ်းကာကွယ်၊ ပြန်လည် တိုးပွားစေရေး ကြိုးပမ်းမှု ခရီးမှာ ပါဝင်လာဖို့ တခြားသူတွေကိုလည်း လှုံ့ဆော်စည်းရုံးကြရပါမယ်။
 
ကျွန်တော်တို့ အရာအားလုံးကိုတော့ မလုပ်နိုင်ပေမယ့် အားလုံး တစ်စိတ်တစ်ဝှမ်းတည်း ဆိုရင် ဘာကိုမဆို လုပ်နိုင်ပါတယ်။