မြစ်တွေဟာ ကမ္ဘာမြေရဲ့ အသက်သွေးကြောတွေ ဖြစ်ပါတယ်။ ကောက်ပဲသီးနှံ၊ ဒေသခံလူထု၊ မြို့တွေနဲ့ သဘာဝအတွက် အသက်ဆက်ဖို့ ရေကို ထောက်ပံ့ပေးနေတာလည်း ဖြစ်ပါတယ်။ မြန်မာနိုင်ငံမှာတော့ ဧရာဝတီမြစ်ဟာ တစ်နိုင်ငံလုံးအတွက် အသက်သွေးကြောဖြစ်ပြီး စိုက်ပျိုးရေး ထုတ်ကုန်နှင့် စီးပွားရေး တိုးတက်မှုအတွက် ထောက်ပံ့ပေးနေတာ ဖြစ်ပါတယ်။ အတိတ်ကလိုပဲ မြန်မာ့အနာဂတ်ဟာ ကျန်းမာတဲ့ ဧရာဝတီမြစ်ပေါ် မူတည်နေပါတယ်။ ဒီနေရာမှာ လျှို့ဝှက်ချက် ရှိနေပါတယ်။ ဒါဆိုရင်တော့ ကမ္ဘာ့မြစ်တွေရဲ့ နုံးအနယ် ပို့ချမှု သူရဲကောင်းတွေ ဖြစ်တဲ့ မောင်ကျောက်နဲ့ မောင်နုံးတို့ကို မိတ်ဆက်ပေးဖို့ အချိန်တန်ပါပြီ။ ဒီဗီဒီယိုမှာတော့ သူတို့က ဘာလဲ၊ ဘာလုပ်ပေးတာလဲ ဆိုတာနဲ့ တကယ်လို့ သဘာတရားရဲ့ မျှချေကို ထိခိုက်အောင် လုပ်မိပြီဆိုရင် ဘယ်လို အန္တရာယ်တွေ ရှိလာနိုင်တယ် ဆိုတာကို ပြသပေးသွားမှာပါ။

ကျွန်တော်တို့ကို မြန်မာ့ နုံးအနယ်ဆိုင်ရာ သူရဲကောင်းတွေအကြောင်း ပြောပြဖို့ ကူညီပြီး အပင်ပန်းခံဖန်တီးပေးတဲ့ Lung Animation Studio ရဲ့ ချီးကျူးစရာကောင်းတဲ့ အဖွဲ့ကိုလည်း အားပေးလိုက်ကြပါဦး။ ဒီ ဗီဒီယိုလေးက ကြည့်ရကျိူးနပ်ပြီး ပျော်ရွှင်လိမ့်မယ်လို့ မျှော်လင့်ပါတယ်။