The WWF is run at a local level by the following offices...
စိန်ခေါ်မှုနဲ့ ရင်ဆိုင်နေရပါတယ်
လူသားတွေဟာ သက်ရှိတွေ ကြုံတွေ့ခဲ့ဖူးသမျှမှာ အကြီးမားဆုံး စိန်ခေါ်မှုဖြစ်တဲ့ ရာသီဥတု ပြောင်းလဲမှုနဲ့ ရင်ဆိုင်နေရပါတယ်။ ကမ္ဘာ့တိုက်ကြီးတိုင်းက ရာသီဥတုပြောင်းလဲမှုရဲ့ ဒဏ်ကို ခံစားနေရပါတယ်။ ပြင်းထန်တဲ့ ရာသီဥတု ပြောင်းလဲမှု ဖြစ်စဉ်တွေဟာ အကြိမ်ရေရော ပြင်းထန်မှုအားဖြင့်ပါ မြင့်တက်လာပြီး သန္တာကျောက်တန်းတွေ သေဆုံးကာ ဝင်ရိုးစွန်းရေခဲပြင်တွေ အရည်ပျော်လာပြီး တောမီးလောင်မှု ပြင်းထန်လာသလို ရေရှားပါးတာတွေပါ ဖြစ်နေပါတယ်။
စွမ်းအင်ကို ရယူရာမှာ ကျွန်တော်တို့ရဲ့ မတင်းတိမ်နိုင်တဲ့ လောဘစိတ်က အဓိက အကြောင်းအရင်းပါပဲ။ စက်မှုတော်လှန်ရေး ကာလက စလို့ ကာဗွန်ထုတ်လွှတ်မှုဟာ ထိန်းချုပ်လို့ မရနိုင်အောင် တဖြည်းဖြည်း တိုးတက်လာနေချိန်မှာ သစ်တောတွေနဲ့ သန္တာကျောက်တန်း တွေလို သဘာဝရဲ့ ကာဗွန်စုပ်ယူပေးသူတွေဟာ စိုးရိမ်ဖွယ် ကောင်းလောက်အောင် လျော့ပါး ပျောက်ကွယ် လာနေကြပါတယ်။ ကမ္ဘာ့အရေးမှာ သန့်စင်တဲ့ အစိမ်းရောင် အဖြေရှာမှုတွေက အမြင့်ဆုံး ဦးစားပေး ဖြစ်လာသလို ကမ္ဘာ့ နိုင်ငံတွေက သူတို့ရဲ့ စွမ်းအင် အသုံးချမှု ပုံစံတွေကို ပြန်လည် သုံးသပ်မှုတွေ လုပ်ဆောင်နေကြရချိန် မြန်မာကတော့ အခုမှ စတင် လုပ်ဆောင်နေချိန် ဖြစ်ပါတယ်။
လူဦးရေရဲ့ ၃၈% ပဲ အားထားလောက်တဲ့ လျှပ်စစ်စွမ်းအင်ကို ရရှိနေတာပါ။ ဒီလို ကြီးမားတဲ့ ကွာဟချက်က တိုင်းပြည် ဖွံဖြိုးရေးအတွက် အရေးကြီးပေမယ့် ရာသီဥတု ပြောင်းလဲမှု ဒဏ်ကို ကမ္ဘာ့ ဒုတိယ အဆိုးရွားဆုံး ခံစားနရတဲ့ နိုင်ငံ ဖြစ်တာကြောင့် ရာသီဥတုဒဏ် ခံစားရမှု သက်သာစေရေးနဲ့ ဂေဟစနစ် ထိန်းသိမ်းရေးကလည်း အလားတူ အရေးကြီးပါတယ်။
မြန်မာနိုင်ငံဟာ ရုပ်ကြွင်းလောင်စာအပေါ်မှီခိုနေတာမျိုး ဟိုးအရင်ကတည်းက မရှိတာကြောင့်
အိမ်နီးချင်း နိုင်ငံတွေရဲ့ စွမ်းအင်ဆိုင်ရာ အမှားမျိုးကို ရှောင်ရှားနိုင်ပြီး နိုင်ငံအတွင်း မှီတင်း နေထိုင်ကြသူတွေကို တလှည့် အကာအကွယ်ပေးနိုင်တယ့် ဂေဟစနစ်ကို ကာကွယ်နိုင်ဖို့ တကယ့် အခွင့်ထူးနေရာမှာ ရှိနေတယ်လို့ ဆိုနိုင်ပါတယ်။ ဒီရည်မှန်းချက်တွေ အကောင်အထည်ဖော်ဖို့ နေနဲ့ လေ စတဲ့ ပြန်လည်ပြည့်ဖြိုးမြဲ စွမ်းအင် အရင်းအမြစ်တွေအပေါ် အဓိက အခြေခံပြီး တစ်နိုင်ငံလုံးကို လျှပ်စစ်ရအောင် လုပ်ဆောင်ပေးမယ့်အဖြေကို အစိုးရနဲ့ လက်တွဲ လုပ်ဆောင်နေပါတယ်။
လျှပ်စစ်မီးရအောင် ဆောင်ရွက်ရာမှာလည်း ရာသီဥတုပြောင်းလဲမှု လျှော့ချရေးနဲ့
ဂေဟစနစ် ကာကွယ်ထိန်းသိမ်းရေးတွေကနေ ရာသီဥတုဒဏ်ခံနိုင်မှုတို့ထိ
သေချာအောင် ထည့်သွင်း စဉ်းစားဖို့လိုပါတယ်။ ကံကောင်းထောက်မစွာပဲ မြန်မာက အိမ်နီးချင်းနိုင်ငံတွေလိုမျိုး စွမ်းအင်ဆိုင်ရာ အမှားတွေကနေ ရှောင်ရှားနိုင်ဖို့ တကယ့်ကို ကောင်းမွန်လှတဲ့ နေရာမှာ ရှိနေပြီး ပြန်လည်ပြည့်ဖြိုးမြဲစွမ်းအင်နဲ့ မေားင်းနှင်ပေးနိုင်မယ့် အနာဂတ်ကို ခုန်ကူး အရောက်လှမ်းနိုင်မှာ ဖြစ်ပါတယ်။