စီမံကိန်းအကြောင်းအရာ

ရေချိုအရင်းအမြစ်ဆိုင်ရာအစီအစဥ်၏ အစိတ်အပိုင်းတစ်ခုဖြစ်သည့် SML - မဟာမဲခေါင် စီမံကိန်း၏ ၅၀ ရာခိုင်နှုန်းသော ရန်ပုံငွေအား Swiss Agency for Development and Cooperation (SDC) မှ ကူညီထောက်ပံ့ကာ အခြားသော EU-Switch Asia စသည့် အလှူရှင်အဖွဲ့အစည်းများမှလည်း ထောက်ပံ့ထားပါသည်။ မဲခေါင်မြစ်နှင့် ဧရာဝတီမြစ်တို့သည် ၄င်းတို့၏ သက်ဆိုင်ရာ မြစ်ဝှမ်းဒေသများရှိ နေထိုင်သူများ၊  ကူးသန်းရောင်းဝယ်ရေးနှင့် ဂေဟ စနစ်အသီးသီး တို့အတွက် အသက် သွေးကြော သဖွယ်  ဆောင်ရွက်ပေးလျက်ရှိသည်။ မြစ်ရေ အရည်အသွေး ကျဆင်းမှုတို့ကြောင့် စီးပွားရေး ဖွံ့ဖြိုးတိုးတက်မှု၊ စိုက်ပျိုးရေး ကုန်ထုတ်လုပ်မှု၊ စားနပ်ရိက္ခာ ဖူလုံမှု၊ ချမ်းသာသုခ၊ ဒေသတွင်း တည်ငြိမ်မှုနှင့် ရေချို ဇီဝမျိုးစုံ မျိုးကွဲများ  ဆုံးရှုံးမှု အန္တရာယ်တို့ ကိုဦးတည်စေသည်။


ဗီယက်နမ်နိုင်ငံတွင် အထည်အလိပ်နှင့် အဝတ်အစားချုပ်လုပ်သော စက်ရုံများသည် မဲခေါင်မြစ်၏ မြစ်ဝကျွန်းပေါ်ဒေသ ၆၂ ရာခိုင်နှုန်းကို အသုံးပြုထားပြီး ထိုလုပ်ငန်းများမှ တိုင်းပြည်၏ GDP ၄၀ ရာခိုင်နှုန်းကို ရရှိနေခြင်းဖြစ်သည်။ ကမ္ဘာ့ အဆင့် ၅ အဝတ်အထည် တင်ပို့သည့် ဗီယက်နမ်နိုင်ငံသည် စက်ရုံအလုပ်ရုံများမှ  စွန့်ထုတ်သော ရေထုညစ်ညမ်းမှုနှင့် ရေသယံဇာတအား အလွန်အကျွံ အသုံးပြုမှုတို့ကြောင့် ဖြစ်ပေါ်လာသော ဆိုးကျိုးများကို ခံစားနေရပြီဖြစ်သည်။ မဲခေါင်ဒေသတွင်းနှင့် နိုင်ငံများ၏ လူမှုရေး၊ စီးပွားရေးနှင့် သဘာဝ အကျိုးကျေးဇူးများအား ထိန်းသိမ်းရေးတို့ ဖြစ်တည်စေရန်အတွက် ကဏ္ဍအလိုက် ရေရှည်ရှင်သန်တည်တံ့သော အပြောင်းအလဲကောင်းတစ်ခုကို စတင်ရန် အလွန်တရာပင် အရေးကြီးသည်။ ( သတင်းအချက်အလက်များ ပိုမိုသိရှိလိုပါက  WWF’s Textile programme in Vietnam.)

ထိုနည်းတူစွာပင် ဧရာဝတီမြစ်သည်လည်း မြန်မာ့ စီးပွားရေး၏ အဓိက လည်ပတ်နေသော ယန္တယားဖြစ်ကာ နိုင်ငံ၏ အဓိက စီးပွားရေး ဆောင်ရွက်မှုများကို ထောက်ပံ့ပေးသည်။ သို့သော်လည်း မြစ်ဝှမ်းဒေသတလျှောက် ဆောင်ရွက်လျက်ရှိသည့် စက်ရုံအလုပ်ရုံများ
က များစွာသော ရေသယံဇာတဆိုင်ရာ အန္တရာယ်များကို ဖြစ်ပွားစေလျှက်ရှိသည်။ ဧရာဝတီမြစ်ဝှမ်းတစ်လျှောက်နေထိုင်မှီီခိုနေသော လူမှု အသိုင်းအဝိုင်းများနှင့် မြစ်ရေ ကောင်းမွန်မှုတို့အပေါ်ား လွန်စွာ အန္တရာယ် ဖြစ်စေသည့် သက်ရောက်မှုတစ်ခုလည်း ရှိနေသည်။ စက်မှုလုပ်ငန်းကဏ္ဍ၏ ၈၀ ရာခိုင်နှုန်းသော အသေးစား လုပ်ငန်းများသည် ဧရာဝတီမြစ်ဝှမ်းပေါ်တွင် တည်ရှိကာ သိသာထင်ရှားသော ရေထုညစ်ညမ်းမှုများကို ဖြစ်ပေါ်စေသည်။ (သတင်းအချက်အလက်များအား ပိုမိုသိရှိလိုပါက WWF’s Water stewardships projects in Myanmar.)


ရေသယံဇာတနှင့် သက်ဆိုင်သော အန္တရာယ်များကို ကာကွယ်ရန်အတွက် ဒေသတွင်းရှိ အသေး စား၊ အလတ်စား စီးပွားရေး လုပ်ငန်းများအား WWF ၏ ရေသယံဇာတ ထိန်းသိမ်းစောင့်ရှောက်ရေး စီမံကိန်းမှတဆင့် အထောက်အပံ့ပေးကာ ရေရှည်ရှင်သန်တည်တံ့သော ရေသယံဇာတ စီမံခန့်ခွဲမှုလုပ်ငန်းများအား  သက်ဆိုင်ရာ လုပ်ငန်း ဆောင်ရွက်သူများနှင့် ပူးပေါင်း၍ မြှင့်တင်မည်ဖြစ်သည်။ SML-မဟာမဲခေါင် စီမံကိန်းအား ဗီယက်နမ်နိုင်ငံရှိ အထည်အလိပ် ကဏ္ဍနှင့် မြန်မာနိုင်ငံရှိ အစားအစာနှင့် အဖျော်ယမကာ လုပ်ငန်း ကဏ္ဍတို့တွင် အကောင်အထည်ဖော်ဆောင်ရွက်မည်ဖြစ်သည်။ စီမံကိန်း၏ ဒေသတွင်းပဏာမအနေဖြင့် မြန်မာနိုင်ငံနှင့် ဗီယက်နမ်နိုင်ငံတို့၏ မြစ်ရေ စီမံရေးနှင့် အုပ်ချုပ်ရေး လုပ်ငန်းစဉ်များတွင် ‌ဒေသတွင်းသက်ဆိုင်သူများ အားလုံးကို ပါဝင်ဆောင်ရွက်စေခြင်းကိုလည်း တိုးမြင့်စေပြီး အထောက်အကူဖြစ်စေမည်။ 

ရည်မှန်းချက်

အစိုးရ ဌာနများ၊ လူမှုအဖွဲ့အစည်းများနှင့် ငွေရေးကြေးရေး အဖွဲ့အစည်းများပါဝင်သော ရေသယံဇာတ စီမံခန့်ခွဲခြင်းတွင် မဟာမဲခေါင်ဒေသတွင်းရှိ အသေးစား၊ အလတ်စား စီးပွားရေးလုပ်ငန်းများမှ ရေနှင့် စွမ်းအင် စီမံမှုကို တိုးတက်ကောင်းမွန်စေကာ ရေထု ညစ်ညမ်းမှုအား လျှော့ချလာစေရန်လုပ်ဆောင်ခြင်းသည် စီမံကိန်း၏ အခန်းကဏ္ဍတစ်ခု ဖြစ်သည်။