ရန်ကုန်မြို့လယ်တွင် ကျင်းပပြုလုပ်ခဲ့သော စက္ကူဆင်ရုပ်များ ပြပွဲကို လူပေါင်း ၁၀,၀၀၀ ကျော် လာရောက် အားပေးခဲ့ပြီးနောက် လူမှုကွန်ယက်ပေါ်တွင်လည်း လူပြောများ ပျံ့နှံ့ခဲ့သည်။

KBZ၊ ရွှေတောင်၊ Asia World၊ Viber၊ Oway၊ Samsung ကဲ့သို့သော ကုမ္ပဏီများကလည်း ပူးပေါင်း ပါဝင်ခဲ့ကြသည်။

ဥရောပသမဂ္ဂ အဖွဲ့ဝင်နိုင်ငံများ၏ မြန်မာနိုင်ငံဆိုင်ရာ သံအမတ်များကလည်း တောရိုင်းတိရစ္ဆာန်များ တရားမဝင် ရောင်းချနေမှုကို အဆုံးသတ်စေရန် ရည်ရွယ်သည့် သဘောထားတစ်ရပ်ကို ထုတ်ပြန်ခြင်းဖြင့် မြန်မာနိုင်ငံ အစိုးရကို ထောက်ခံအားပေးမှုများ ပြုလုပ်ကာ ပူးပေါင်းပါဝင်ခဲ့ကြသည်။

‘တောရိုင်းတိရစ္ဆာန်များအတွက် ရင်တွင်းစကားသံ’ ဂီတဖျော်ဖြေပွဲကို ရန်ကုန်မြို့လယ်တွင် ကျင်းပပြုလုပ်ခဲ့ပြီး တေးသံရှင်များ၊ အကပညာရှင်များနှင့် အခြား အောင်မြင်ကျော်ကြားသူများ စုစုပေါင်း ၂၅ ဦး ပူးပေါင်း ပါဝင်ခဲ့ကြသည်။ ယင်းဖျော်ဖြေပွဲကို နိုင်ငံတဝှမ်းတွင် ထုတ်လွှင့်ပြသခဲ့သည်။ ကြော်ငြာဆိုင်းဘုတ်များနှင့် ဒစ်ဂျစ်တယ် ကြော်ငြာများမှတဆင့် လူပေါင်း ၂ သန်းခန့်၊ လူမှုကွန်ယက်မှတဆင့် လူပေါင်း ၁၀ သန်းခန့်ဆီ သာမက လှုံ့ဆော်မှု အခမ်းအနားနှင့် အစီအစဉ်များ အားလုံးသို့ တက်ရောက်သူခဲ့ပေါင်း ၁၅၀,၀၀၀ ဆီသို့လည်း ရောက်ရှိပျံ့နှံ့ခဲ့သည်။<br><b>ရန်ကုန်မြို့၏ အဓိက ဈေးကွက်များဖြစ်သော ဗိုလ်ချုပ်ဈေးနှင့် ရွှေတိဂုံစေတီတော်တို့ရှိ ဈေးဆိုင်များကလည်း တော်ရိုင်းတိရစ္ဆာန်ထွက် ပစ္စည်းများ ရောင်းချနေမှုကို ရပ်တန့်သွားရန် သဘောတူညီခဲ့ကြသည်။ ရန်ကုန်မြို့တော် စည်ပင်သာယာရေးကော်မတီကလည်း တောရိုင်းတိရစ္ဆာန်များ တရားမဝင် ရောင်းချမှု ကင်းဝေးသော ရန်ကုန်မြို့တော် ဖြစ်ရေး ဆောင်ရွက်သွားရန် သဘောတူညီခဲ့ကြသည်။</b>