The WWF is run at a local level by the following offices...
- WWF Global
- Adria
- Argentina
- Armenia
- AsiaPacific
- Australia
- Austria
- Azerbaijan
- Belgium
- Bhutan
- Bolivia
- Borneo
- Brazil
- Bulgaria
- Cambodia
- Cameroon
- Canada
- Caucasus
- Central African Republic
- Central America
- Chile
- China
- Colombia
- Croatia
- Democratic Republic of the Congo
- Denmark
- Ecuador
- European Policy Office
- Finland
- France
သဘာဝနှင့် သဟဇာတဖြစ်သော အနာဂတ်တစ်ခု"
ဧရာဝတီ မြစ်ဝှမ်းဒေသအတွင်းရှိ အစားအစာနဲ့ အဖျော်ယမကာ ထုတ်လုပ်ရေးကဏ္ဍတွင် ရေရှည် အကျိုးရှိသော ရေအသုံးချမှုနှင့် စီမံခန့်ခွဲမှုတို့ ဖြစ်လာရန် ထောက်ကူပေးခြင်း
Click for English.
စီမံကိန်းအကြောင်း
ရေချိုအရင်းအမြစ်ဆိုင်ရာ အစီအစဉ်ရဲ့ အစိတ်အပိုင်းဖြစ်တဲ့ "သဘာဝ" ဟာ ဥရောပသမဂ္ဂရဲ့ SWITCH Asia အစီအစဉ်အောက်က ရန်ပုံငွေ ထောက်ပံ့မှု ရရှိထားတဲ့ နှစ်နှစ် စီမံကိန်း ဖြစ်ပါတယ်။ ဒီစီမံကိန်းက မြန်မာနိုင်ငံရဲ့ ကြီးထွားဖွံ့ဖြိုးလာနေတဲ့ အစားအစာနှင့် အဖျော်ယမကာ ထုတ်လုပ်မှုကဏ္ဍမှာ အထူးသဖြင့် အသေးစားနှင့် အလတ်စား စီးပွားရေးလုပ်ငန်းတွေမှာ ညစ်ညမ်းစေမှု ပိုနည်းတဲ့ ထုတ်လုပ်မှု စနစ်ကို အားပေးမြှင့်တင် ပေးတာပါ။ ဒီ “သဘာဝ” ဆိုတဲ့ စီမံကိန်းအမည်က ကုမ္ပဏီတွေအနေနဲ့ အရင်းအမြစ်တွေ အသုံးပြုတာတွေနဲ့ သဘာဝတရားအပေါ်ထားတဲ့ ကတိကဝတ်တွေကို ကိုယ်စားပြုပါတယ်။ စက်မှုဖွံ့ဖြိုး တိုးတက်ရေးက စီးပွားရေး တိုးတက်မှုအတွက် အရေးပါပေမယ့် တာဝန်သိသိနဲ့ စီမံခန့်ခွဲတာမျိုး မရှိလျှင် သဘာဝပတ်ဝန်းကျင်အပေါ် သိသာထင်ရှားတဲ့ ဆိုးကျိုးတွေ ဖြစ်စေနိုင်ပြီး တိုင်းပြည်ရဲ့ ရေရှည်ဖွံ့ဖြိုးရေးကို ထိခိုက်စေနိုင်ပါတယ်။ ညစ်ညမ်းစေမှုနည်းတဲ့ ထုတ်လုပ်မှု အလေ့အကျင့်တွေကတစ်ဆင့် သဘာဝအရင်းအမြစ်တွေ ထိန်းသိမ်းရင်း ဖွံ့ဖြိုးတိုးတက်မှုကို ရရှိစေနိုင်သလို လူသားတွေရဲ့ သာယာဝပြောမှုကို အထောက်အကူဖြစ်စေပြီး ဆန်းသစ်တီထွင်မှုကို အားပေးလို့ စက်မှုလုပ်ငန်းတွေကို ဘေးအန္တရာယ် ဖြစ်နိုင်ချေ လျှော့ချနိုင်ချဖို့၊ ကုန်ကျစရိတ်လျှော့ချနိုင်ဖို့နဲ့ ရေနဲ့ စွမ်းအင် အသုံးပြုမှု လျှော့ချနိုင်ဖို့အတွက်လည်း အခွင့်အလမ်း ဖြစ်စေပါတယ်။
ဆက်စပ်ပေါင်းစည်း လုပ်ဆောင်ကြသူများ
စက်မှုဝန်ကြီးဌာန (MOI)၊ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန (MoNREC)၊ ရန်ကုန်မြို့တော် စည်ပင်သာယာရေး ကော်မတီ (YCDC)၊ သုတေသနနှင့် တီထွင်ဆန်းသစ်မှု ဦးစီးဌာန (DRI), ရန်ကုန်နည်းပညာတက္ကသိုလ် (YTU)၊ စက်မှုဇုန်ကော်မတီများ၊ ပြည်ထောင်စုသမ္မတ မြန်မာနိုင်ငံတော် ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI)
အကျိုးခံစားခွင့်ရသူများ
အသေးစားနှင့် အလတ်စား စီးပွားရေးလုပ်ငန်းများနှင့် အစားအစာနှင့် အဖျော်ယမကာ ကဏ္ဍဆိုင်ရာ စက်မှုဇုန်များ၊ ဒေသခံဘဏ်များ၊ စက်မှုဇုန်အနီးတွင် နေထိုင်သော လူမှုအသိုင်းအဝိုင်း၊ ဒေသခံ စက်မှုလုပ်ငန်း အသင်းအဖွဲ့များနှင့် စီးပွားရေးကြားခံများ
မိတ်ဖက်အဖွဲ့များ
မြန်မာနိုင်ငံ စားသောက်ကုန် ထုတ်လုပ် တင်ပို့ ရောင်းချသူများအသင်း (MFPEA) အပြည်ပြည်ဆိုင်ရာ ပူးပေါင်းဆောင်ရွက်မှုများဆိုင်ရာ ငွေစုဘဏ်များဖောင်ဒေးရှင်း (SBFIC)
ဒေသအဆင့်နှင့် နိုင်ငံအဆင့် မူဝါဒချမှတ်သူများ၊ အသေးစားနှင့် အလတ်စား အစားအစာနှင့် အဖျော်ယမကာ ထုတ်လုပ်ရေး လုပ်ငန်းများ၊ ဒေသခံ ဘဏ္ဍာရေး အဖွဲ့အစည်းများ၊ စီးပွားရေးအသင်းအဖွဲ့များ၊ အတတ်ပညာရှင်များနှင့်အတူ ရင်းနှီးစွာ ပူးပေါင်းလုပ်ကိုင်ပြီး ဤကုန်ထုတ်ကဏ္ဍ၏ သဘာဝ ပတ်ဝန်းကျင်ဆိုင်ရာ စွမ်းဆောင်ရည် တိုးတက်စေရန်နှင့် မြန်မာနိုင်ငံ၏ အစိမ်းရောင်စီးပွားရေးကဏ္ဍကို အထောက်အကူပြုစေရန် ရည်ရွယ်ပါသည်။
မြန်မာနိုင်ငံရှိ ကုမ္ပဏီများအနက် ၆၀ ရာခိုင်နှုန်းသည် အစားအစာနှင့် အဖျော်ယမကာ ထုတ်လုပ်သူများ ဖြစ်သည်။
အစားအစာနှင့် အဖျော်ယမကာ ထုတ်လုပ်မှု လုပ်ငန်းများ၏ ၈၉ ရာခိုင်နှုန်းသည် အသေးစားနှင့် အလတ်စား လုပ်ငန်းများ ဖြစ်ကြသည်။.
အစားအစာနှင့် အဖျော်ယမကာ ထုတ်လုပ်သူများ၏ ၅ ရာခိုင်နှုန်း မပြည့်သော ပမာဏသည်သာ အမှန်တကယ် လည်ပတ်နေသည့် စွန့်ပစ်ရေဆိုး သန့်စင်မှုစနစ်ကို အသုံးပြုကြသည်။ စက်မှုလုပ်ငန်း စွန့်ပစ်ရေဆိုးများကြောင့် ညစ်ညမ်းရမှုဟာ မြန်မာ့ ရေချိုဂေဟစနစ်အတွက် အကြီးမားဆုံး အန္တရာယ် ဖြစ်ပါတယ်။
ပျမ်းမျှအားဖြင့် စက်ရုံများသည် ရက်သတ္တာ တစ်ပတ်လျှင် လျှပ်စစ်ဓာတ်အား ပြတ်တောက်မှု ၃ ကြိမ် တွေ့ကြုံနေရသည်။
